寫呢個 blog 最大嘅好處係令我獲益良多.  好多讀者俾左好多 feedback 我, 而有啲嘢係我以前唔知嘅.  當我掌握到更多 information 之後, 就好似砌 jigsaw puzzle 咁, 逐啲逐啲睇清楚成個 picture.  所以我真係好多謝讀者嘅 feedback.

女人總係好自省.   當一段關係失敗, 我會問自己, '係咪我有啲嘢做得唔好?  係咪我做左乜嘢令人地阿爸阿媽咁黎鬧我?'

多得賤男同學講嘅 '聖糟見家長事件' 我而家明啦.  根本佢阿爸阿媽連佢班主任都可以鬧, 明明係自己個仔打交都仲可以鬧學校嘅, 咁鬧我有乜咁出奇啫?  明明係自己個仔對人唔住, 都仲可以喺電話鬧人地個女鬧左半粒鐘, 仲未夠, 仲要打黎鬧, 仲要人地講緊電話喺側邊係咁鬧, 又如何啫?  根本佢地一直都係咁, 覺得自己啱晒, 自己個仔啱晒, 就算明明係自己個仔錯, 都要鬧人, 而且佢地連最機本嘅尊重都唔俾人, 唔當人地係人.

所以, 唔係因為我做得唔好, 而係佢地一家人都係咁.

咁七嘅阿爸阿媽, 教出個咁七嘅仔, 又係理所當然.