| 
有傳本 blog 男主角 Dr Audi 將會去大埔 LaLaLa 骨場做, 請大家留意, 並提醒其他人小心呢條老千仔. 此人曾經多次向女人騙財騙色, 小女子亦係其前受害人之一, 俾佢昆係我一生人之中最慘痛經歷. 雖然而家已經冇事並展開新生活, 但係我覺得有責任將佢啲衰嘢講晒俾所有人知. 法律制裁唔到佢, 我唔想有再其他人好似我咁俾佢昆. Dr Audi 最鍾意向女 housemen 埋手, 請大家提防. 本 blog 寫嘅所有嘢, 均屬事實及事實之全部. Dr Audi 係小島學堂 05 班畢業, 細我一年. 佢做完 houseman 之後受聘於東北做豬肉佬, 06 年 9 月喺教人切嘢個 course 度結識左我. 未幾向我展開追求, 我因為同佢唔同班, 唔知佢啲衰嘢, 所以就同佢成為男女朋友關係. 我當時以為係正常 '男女朋友' 關係, 但係唔駛好耐, 佢就向我做出一連串缺德行為: 1. 同我一齊三個月, 呃我話要讀書, 點知原來去追個女 houseman. 佢講到明, 係見人地好靚女, 想追人, 唔係平時o個o的出街食飯. 佢又要俾我知, 我話分手, 佢又道歉氹返我, 點知事後又改口, 毫無悔意. '我見到靚女我心動, 梗係想試下追唔追到架啦, 我好勝丫嘛.' 同女 houseman 出街件事發生o係考試前四個禮拜, 間接搞到我考唔到試.
2. 女 houseman 件事之後, 開始問我要架車啦. 成日話, 我愛佢多過佢愛我, 所以我要送架車俾佢. 呢件事發生o係考試前兩三個禮拜, 我想同佢講清楚, 佢係咁話考完試先, 間接搞到我考唔到試.
3. 趙完鬆. 呃我上床之前, 誓神劈願話會同我結婚. '你放心啦, 我一定會娶你架.' 完事之後, 就話 '係咩? 我有咁講過咩?' 本來婚前性行為好正常, 如果係我自願就冇所謂, 但係佢係呃返黎架. 賤男為o左達到目的, 乜大話都講得出.
4. 去年七八月左右, 佢話分手, 除非我送架 Audi 俾佢. 佢帶o左我去金鐘 Audi 展銷廳, 佢話, 車佢就揀o左, 要我即刻俾錢, 如果唔係就以後都唔駛揾佢. 我唔送車, 佢就發爛渣叫我俾三十萬佢. 我見佢咁賤, 諗住算啦, 都係分手啦. 點知翌日佢打俾我, 佢話, '我而家可唔可以黎揾你? 我淨係想搞, 唔代表乜o野架喎.'
5. 仲有一樣o野點解我咁痛恨佢, 同埋點解會同佢拖o左咁耐. 佢唔鍾意我, 佢可以 quit 架. 但係佢有時又會氹返我, 應承我會同我結婚, 應承我好多o野, 目的就係一個: 性. 做完之後, 應承我o既野全部反口. 打俾佢, 唔聽我電話.
6. 到九月, 我見關係搞成咁, 好想同佢講清楚, 係咪想分手. 佢o係屋企打俾我, 一路講, 佢阿爸阿媽一路係側邊鬧我. 賤男阿爸阿媽其實唔知我地發生乜事, 又聽唔到我講乜架喎, 只係個仔講一句, 佢地o係側邊吶喊助威. 我話等我同佢地講啦, 佢地又縮頭烏龜唔肯同我講. 跟住賤男就話, 拿, 而家係我阿爸阿媽憎你咋, 唔關我事架, 我百行以孝為先.
7. 有一次我打俾佢, 佢飛o左條線俾阿媽. 我揸住個電話, 對方係伯母, 我想試下同佢講道理, 話俾佢知發生緊乜o野事. 點知伯母原來都係o的咁o既人, 我俾佢鬧o左半粒鐘. 第二日, 賤男話我好騷擾佢屋企兩個老人家. 第一, 唔係我主動揾佢兩個老人家架, 係佢飛o左條線俾阿媽咋. 第二, 我俾佢阿媽鬧o左半粒鐘, 我騷擾佢老人家? 到o左呢個時候, 我决定單方面同佢分手啦. 所以我開始寫 blog.
8. 寫o左兩個禮拜, 賤男知道o左啦. 佢為o左令我收手, 用o左三招. 第一, 嚇我話要告我啦, 登報紙啦, approach 我老細啦. 我話, 你咪告囉, 你咪揾我老細囉. 第二, 見嚇我唔到, 佢就話, 如果我登個道歉啟示, 佢會同我離開香港從頭黎過. 我知佢又係昆我所以我唔信佢. 第三, 佢終於發爛渣啦, 話佢會自殺. 我當時都仲有少少良心, 所以登左個道歉啟示. 事後我打俾佢, 佢話, 話復合係呃我o既啫. 我話, 咁你即係反口啦? 佢好大聲話: '我冇反口 !' 唔緊要, 我再寫. 我同 Dr Audi 拖拖拉拉一年時間, 聽起黎好似好耐, 但係中間經歷左兩次 MRCS. 我知道自己係好蠢, 所以寫呢個 blog 嘅目的絕對唔係博同情, 我亦唔需要人同情. 我咁 wear 爛塊面將所有嘢講晒出黎, 只係想其他人睇清楚 Dr Audi 嘅真面目, 唔好再有其他受害人. 請大家幫我將呢個 blog 宣揚開去.
|
